სანტორინიზე მოსახვედრად ორი გზა არსებობს: თვითმფრინავი ან გემი. თუ თვითმფრინავით გადაწყვეტთ მგზავრობას, ათენიდან რაინეარის ბილეთს ყიდვას გირჩევდით. ბილეთების ფასი მერყევია – შეიძლება 30 ევროდ იპოვოთ, შეიძლება 100 ევროც დაგიჯდეთ. რაც შეეხება გემს, თითო გზა სეზონზე 50 ევროდან იწყება.
ჩემი რჩევა იქნება, ნუ გადაყრით ფულს აეროპორტიდან ან პორტიდან სასტუმრომდე ტაქსით მისვლაში, რადგან 2-3 ევროდ ავტობუსს შეგიძლიათ გაჰყვეთ (Public Bus), რომელიც თირას ცენტრალურ ავტოსადგურამდე მიგიყვანთ. იქიდან ნებისმიერი მიმართულებით აიყვანთ სხვა ავტობუსს, თქვენი სასტუმროს მდებარეობის მიხედვით.
კუნძულზე ყველაზე პოპულარული ადგილებია თირა და ოია. ჩემი აზრით, სანახაობრივი თვალსაზრისით ოია უფრო მიმზიდველია, ფოტოებისთვისაც ბევრად უკეთესი ადგილებია. საღამოს მზის ჩასვლისას აქ უამრავი ადამიანი იყრის თავს – ორი საათით ადრე იწყებენ ადგილების დაკავებას და მზის ჩასვლას ტაშით და ჟრიამულით ეგებებიან. თუმცა რომ გითხრათ, მსგავსი სილამაზე არსად მინახავს-მეთქი, მოგატყუებთ.
რაც შეეხება განთავსებას: მაინც მგონია, რომ სასტუმროს აღება თირაზე უფრო ხელსაყრელია – აქედან ყველა მიმართულებით დადიან ავტობუსები. ანუ იცხოვრებთ თირაზე, ერთ დღეს ოიას სანახავად წახვალთ, მეორე დღეს წითელი სანაპიროს ეწვევით და ა. შ. თვითონ თირაც ძალიან ლამაზია, შეგიძლიათ იქვე პორტში ჩახვიდეთ საბაგიროთი და ოიას ერთდღიანი ტური შეიძინოთ. ტურის ფარგლებში გემით წაგიყვანენ, დაგათვალიერებინებენ გარემოს და მიკროავტობუსით დაგაბრუნებენ უკან.
რაც შეეხება გადაადგილების სხვა საშალებებს – კვადროციკლი ერთი დღე 40 ევრო ღირს, მოპედი – 30 ევრო, ავტომობილი – 50. ტრანსპორტის დასაქირავებლად არ არის საჭრო არც პასპორტი და არც დეპოზიტი, გაქირავების წერტილები კი მრავლადაა. მე, პირადად, კვადროციკლი ვიქირავე, გადაადგილების მხრივ საკმაოდ კომფორტული იყო.
ნორმალურ სასტუმროს ხედების გარეშე 50-70 ევროდ ნახავთ. ბიუჯეტური მოგზაურებისთვის არის ჰოსტელებიც. ცოტა ძვირი სიამოვნებაა ისეთი სასტუმროები, აუზიდან პირდაპირ ზღვას რომ გადაჰყურებს. ფოტოებზე მსგავსი სასტუმროებში ერთ ღამის ფასი დაახლოებით 150 ევროდან იწყება. თუმცა, თუ სანტორინიზე მიდიხარ, ჩემი აზრით, ერთი ღამით მაინც უნდა დარჩე მსგავს სასტუმროში და შემდეგ გადახვიდე სხვაგან.
რაც შეეხება კვებას – რა თქმა უნდა არის ძალიან ძვირიანი რესტორნებიც, მაგრამ იაფადაც თავისუფლად შეიძლება კვება. ერთ-ერთ ადგილი, რომელსაც საკვებად გირჩევდით, ოიაზე მდებარე Pitogyros-ია – უგემრიელეს ღიროპიტას ამზადებენ, სულ რაღც 4 ევრო ღირს და მე ძალიან მეგემრიელა.
თირასთან ახლოს არის სუპერმარკეტი ლიდლი, სადაც საკმაოდ იაფად შეგიძლიათ პროდუქტის შეძენა. მაგალითად, უგემრიელესი დონატები მხოლოდ 50 ცენტი ღირს. თუმცა ლიდლამდე ფეხით მისვლა რთულია, ამიტომ ტრანსპორტის დაქირავება ამ კუნძულზე მართლაც გამართლებულია.
სანტორინის სანაპიროებს მაინცდამაინც ვერ გავუწევ რეკომენდაციას – ვფიქრობ, გასარუჯად და დასასვენებლად აქ ჩამოსვლა არ ღირს.
საერთო ჯამში, სანტორინი მომეწონა – სანახაობრივი, ვიზუალურად განსხვავებული კუნძულია. ამ მხრივ მიკონოსს ბევრად ჯობს, მაგრამ ეს უკანასკნელი გასართობად უკეთესი ადგილია.
ჩინეთი – რეგალიას მოგზაურობა ბოლო 4 წელია წელიწადში მინიმუმ სამჯერ მაინც მიწევს ჩინეთს ვესტუმრო, უმეტესად საქმის გამო, თუმცა მოგზაურობა ძალიან მიყვარს და რამდენიმე დღეს ყოველთვის ვიტოვებ სამოგზაუროდ. ახლაც სწორედ ასე მოვიქეცი და გადავწყვიტე ამ პატარა ვოიაჟის შესახებ თქვენც მოგიყვეთ. ხანჭოუში ყატარის ავიახაზებით ჩავფრინდი. ბილეთის ფასი 1500-2000 ლარის ფარგლებშია ყატარის შემთხვევაში. სამხრეთ ჩინეთის ავიახაზებსაც დაახლოებით იგივე …
ყველაფერი დაგეგმილია. ბილეთები ნაყიდია, სასტუმრო დაჯავშნილია, ჩამოწერილია სია რისი ნახვა და გაკეთება გვინდა. ყველაფერი იდეალურად არის! მანამ სანამ არ დგება ჩანთის ჩალაგების დრო… რა წავიღო, რამდენი, რომ იწვიმოს? ნეტავ, გამოსასვლელი ტანსაცმელი თუ დამჭირდება… არსაიდან უამრავი კითხვა ჩნდება და ხშირად ყველაფრის წაღება გვინდა, რაც კი კარადაში დევს. მაგრამ, რადგან შეზღუდულები ვართ (ჩანთის ზომაში, წასაღებად დაშვებულ წონაში და სულაც ჩვენ შესაძლებლობაში სიმძიმე ვათრიოთ) გვიწევს არჩევანის გაკეთება.
დოჰა – რეგალიას მოგზაურობა რამდენიმე დღის წინ ყატარის ავიახაზებით მომიწია ფრენა, დოჰაში მქონდა გადაჯდომა. ხოდა, გადავწყვიტე მეორედ მენახა ეს ქალაქი და თვითმფრინავის ბილეთები 11 საათიანი გადაჯდომის ინტერვალით ავიღე. ვიზა არ დამჭირვებია და არც წინასწარ შემივსია რამე ელექტრონულად. ანუ უვიზო მიმოსვლა გვაქვს ყატართან და პირდაპირ მივადექი ჩასხდომის ბილეთით და პასპორტით მესაზღვრეს. ასე რომ, თუ დოჰაში გაქვთ …
შავი კლდეების ტბა მოგზაურობისთვის მზადება როდესაც შავი კლდეების ტბის პოპულარიზაციისათვის დაგეგმილ ტურში მონაწილეობაზე შემოთავაზება მივიღე, გადავწყვიტე, ჯერ დამეგუგლა ეს ადგილი, რადგან არ ვიცოდი როგორი იყო ვიზუალურად და გაგონილიც არ მქონდა მის შესახებ, აქამდე. ხარისხიანი ფოტოები თითქმის ვერ ვნახე, ვერც სოციალურ ქსელში მოვიძიე მასზე ბევრი ვერაფერი, მივხვდი რომ ზუსტად საჩემო საქმე იყო მენახა ტბა, ჩამომეტანა მის …
სანტორინი
სანტორინი – რეგალიას მოგზაურობა
სანტორინიზე მოსახვედრად ორი გზა არსებობს: თვითმფრინავი ან გემი. თუ თვითმფრინავით გადაწყვეტთ მგზავრობას, ათენიდან რაინეარის ბილეთს ყიდვას გირჩევდით. ბილეთების ფასი მერყევია – შეიძლება 30 ევროდ იპოვოთ, შეიძლება 100 ევროც დაგიჯდეთ. რაც შეეხება გემს, თითო გზა სეზონზე 50 ევროდან იწყება.
ჩემი რჩევა იქნება, ნუ გადაყრით ფულს აეროპორტიდან ან პორტიდან სასტუმრომდე ტაქსით მისვლაში, რადგან 2-3 ევროდ ავტობუსს შეგიძლიათ გაჰყვეთ (Public Bus), რომელიც თირას ცენტრალურ ავტოსადგურამდე მიგიყვანთ. იქიდან ნებისმიერი მიმართულებით აიყვანთ სხვა ავტობუსს, თქვენი სასტუმროს მდებარეობის მიხედვით.
კუნძულზე ყველაზე პოპულარული ადგილებია თირა და ოია. ჩემი აზრით, სანახაობრივი თვალსაზრისით ოია უფრო მიმზიდველია, ფოტოებისთვისაც ბევრად უკეთესი ადგილებია. საღამოს მზის ჩასვლისას აქ უამრავი ადამიანი იყრის თავს – ორი საათით ადრე იწყებენ ადგილების დაკავებას და მზის ჩასვლას ტაშით და ჟრიამულით ეგებებიან. თუმცა რომ გითხრათ, მსგავსი სილამაზე არსად მინახავს-მეთქი, მოგატყუებთ.
რაც შეეხება განთავსებას: მაინც მგონია, რომ სასტუმროს აღება თირაზე უფრო ხელსაყრელია – აქედან ყველა მიმართულებით დადიან ავტობუსები. ანუ იცხოვრებთ თირაზე, ერთ დღეს ოიას სანახავად წახვალთ, მეორე დღეს წითელი სანაპიროს ეწვევით და ა. შ. თვითონ თირაც ძალიან ლამაზია, შეგიძლიათ იქვე პორტში ჩახვიდეთ საბაგიროთი და ოიას ერთდღიანი ტური შეიძინოთ. ტურის ფარგლებში გემით წაგიყვანენ, დაგათვალიერებინებენ გარემოს და მიკროავტობუსით დაგაბრუნებენ უკან.
რაც შეეხება გადაადგილების სხვა საშალებებს – კვადროციკლი ერთი დღე 40 ევრო ღირს, მოპედი – 30 ევრო, ავტომობილი – 50. ტრანსპორტის დასაქირავებლად არ არის საჭრო არც პასპორტი და არც დეპოზიტი, გაქირავების წერტილები კი მრავლადაა. მე, პირადად, კვადროციკლი ვიქირავე, გადაადგილების მხრივ საკმაოდ კომფორტული იყო.
ნორმალურ სასტუმროს ხედების გარეშე 50-70 ევროდ ნახავთ. ბიუჯეტური მოგზაურებისთვის არის ჰოსტელებიც. ცოტა ძვირი სიამოვნებაა ისეთი სასტუმროები, აუზიდან პირდაპირ ზღვას რომ გადაჰყურებს. ფოტოებზე მსგავსი სასტუმროებში ერთ ღამის ფასი დაახლოებით 150 ევროდან იწყება. თუმცა, თუ სანტორინიზე მიდიხარ, ჩემი აზრით, ერთი ღამით მაინც უნდა დარჩე მსგავს სასტუმროში და შემდეგ გადახვიდე სხვაგან.
რაც შეეხება კვებას – რა თქმა უნდა არის ძალიან ძვირიანი რესტორნებიც, მაგრამ იაფადაც თავისუფლად შეიძლება კვება. ერთ-ერთ ადგილი, რომელსაც საკვებად გირჩევდით, ოიაზე მდებარე Pitogyros-ია – უგემრიელეს ღიროპიტას ამზადებენ, სულ რაღც 4 ევრო ღირს და მე ძალიან მეგემრიელა.
თირასთან ახლოს არის სუპერმარკეტი ლიდლი, სადაც საკმაოდ იაფად შეგიძლიათ პროდუქტის შეძენა. მაგალითად, უგემრიელესი დონატები მხოლოდ 50 ცენტი ღირს. თუმცა ლიდლამდე ფეხით მისვლა რთულია, ამიტომ ტრანსპორტის დაქირავება ამ კუნძულზე მართლაც გამართლებულია.
სანტორინის სანაპიროებს მაინცდამაინც ვერ გავუწევ რეკომენდაციას – ვფიქრობ, გასარუჯად და დასასვენებლად აქ ჩამოსვლა არ ღირს.
საერთო ჯამში, სანტორინი მომეწონა – სანახაობრივი, ვიზუალურად განსხვავებული კუნძულია. ამ მხრივ მიკონოსს ბევრად ჯობს, მაგრამ ეს უკანასკნელი გასართობად უკეთესი ადგილია.
Related Posts
ჩინეთი
ჩინეთი – რეგალიას მოგზაურობა ბოლო 4 წელია წელიწადში მინიმუმ სამჯერ მაინც მიწევს ჩინეთს ვესტუმრო, უმეტესად საქმის გამო, თუმცა მოგზაურობა ძალიან მიყვარს და რამდენიმე დღეს ყოველთვის ვიტოვებ სამოგზაუროდ. ახლაც სწორედ ასე მოვიქეცი და გადავწყვიტე ამ პატარა ვოიაჟის შესახებ თქვენც მოგიყვეთ. ხანჭოუში ყატარის ავიახაზებით ჩავფრინდი. ბილეთის ფასი 1500-2000 ლარის ფარგლებშია ყატარის შემთხვევაში. სამხრეთ ჩინეთის ავიახაზებსაც დაახლოებით იგივე …
როგორ ჩავალაგოთ ჩანთა მარტივად
ყველაფერი დაგეგმილია. ბილეთები ნაყიდია, სასტუმრო დაჯავშნილია, ჩამოწერილია სია რისი ნახვა და გაკეთება გვინდა. ყველაფერი იდეალურად არის! მანამ სანამ არ დგება ჩანთის ჩალაგების დრო… რა წავიღო, რამდენი, რომ იწვიმოს? ნეტავ, გამოსასვლელი ტანსაცმელი თუ დამჭირდება… არსაიდან უამრავი კითხვა ჩნდება და ხშირად ყველაფრის წაღება გვინდა, რაც კი კარადაში დევს. მაგრამ, რადგან შეზღუდულები ვართ (ჩანთის ზომაში, წასაღებად დაშვებულ წონაში და სულაც ჩვენ შესაძლებლობაში სიმძიმე ვათრიოთ) გვიწევს არჩევანის გაკეთება.
დოჰა
დოჰა – რეგალიას მოგზაურობა რამდენიმე დღის წინ ყატარის ავიახაზებით მომიწია ფრენა, დოჰაში მქონდა გადაჯდომა. ხოდა, გადავწყვიტე მეორედ მენახა ეს ქალაქი და თვითმფრინავის ბილეთები 11 საათიანი გადაჯდომის ინტერვალით ავიღე. ვიზა არ დამჭირვებია და არც წინასწარ შემივსია რამე ელექტრონულად. ანუ უვიზო მიმოსვლა გვაქვს ყატართან და პირდაპირ მივადექი ჩასხდომის ბილეთით და პასპორტით მესაზღვრეს. ასე რომ, თუ დოჰაში გაქვთ …
შავი კლდეების ტბა
შავი კლდეების ტბა მოგზაურობისთვის მზადება როდესაც შავი კლდეების ტბის პოპულარიზაციისათვის დაგეგმილ ტურში მონაწილეობაზე შემოთავაზება მივიღე, გადავწყვიტე, ჯერ დამეგუგლა ეს ადგილი, რადგან არ ვიცოდი როგორი იყო ვიზუალურად და გაგონილიც არ მქონდა მის შესახებ, აქამდე. ხარისხიანი ფოტოები თითქმის ვერ ვნახე, ვერც სოციალურ ქსელში მოვიძიე მასზე ბევრი ვერაფერი, მივხვდი რომ ზუსტად საჩემო საქმე იყო მენახა ტბა, ჩამომეტანა მის …