საგარანტიო პირობები

საგარანტიო მომსახურების მიღება

საგარანტიო მომსახურებით სარგებლობისთვის აუცილებელია წარმოადგინოთ შეძენის ქვითარი, შესაბამისი ნივთი და „რეგალიას“ საგარანტიო ბარათი. აღნიშნული დოკუმენტების გარეშე საგარანტიო მომსახურებით სარგებლობა შეუძლებელია.
საგარანტიო მომსახურება გულისხმობს ნივთის უფასო შეკეთებას საგარანტიო პერიოდის განმავლობაში. შეკეთება უზრუნველყოფს ნივთის დანიშნულებისამებრ ფუნქციონირების აღდგენას, თუმცა არ იძლევა მისი პირვანდელი გარეგნობის შენარჩუნების გარანტიას. საგარანტიო მომსახურება არ ითვალისწინებს ნივთის ახლით შეცვლას.
საგარანტიო პერიოდი განსაზღვრულია მწარმოებლის მიერ და მითითებულია შესაბამისი ნივთის ბრენდირებულ საგარანტიო ბარათზე.

რას მოიცავს საგარანტიო პირობები?

საგარანტიო მომსახურება ვრცელდება შემდეგ შემთხვევებზე:
•  ქარხნული დეფექტები;
•  ბორბლების სისტემის გაუმართაობა;
•  ელვა-შესაკრავის გამწევი თავის დაზიანება;
•  ჩამკეტი სისტემის (TSA Lock) გაუმართაობა ან დაზიანება;
•  სახელურისა და ტელესკოპური სახელურის გაუმართაობა ან დაზიანება.

რას არ მოიცავს საგარანტიო პირობები?

საგარანტიო მომსახურება არ ვრცელდება შემდეგ შემთხვევებზე:
•  არასწორი გამოყენებით გამოწვეული დაზიანება, მათ შორის ჩემოდნის საგორავი სახელურით აწევა ან დაშვებულზე მეტი წონით დატვირთვა;
•  TSA საკეტის კოდის დავიწყება;
•  ავიაკომპანიის ან გადამზიდი კომპანიის მიერ ტრანსპორტირებისას მიყენებული დაზიანება. ასეთ შემთხვევაში დაზიანების შესახებ დაუყოვნებლივ უნდა აცნობოთ შესაბამის ავიაკომპანიას ან გადამზიდ კომპანიას;
•  ნაკერებისა და ელვა-შესაკრავის ლენტის დაზიანება;
•  კოსმეტიკური დაზიანება;
•  ბუნებრივი ცვეთით გამოწვეული დაზიანება;
•  ფიზიკური დაზიანებები, მათ შორის გატეხვა, გაბზარვა, გაკაწვრა, ჩაჭყლეტა, გახევა, დამწვრობა, დადნობა, კოროზია ან სითხით დაზიანება;
•  შემთხვევითი ან შედეგად გამოწვეული ზიანი, როგორიცაა ჩანთის შიგთავსის დაზიანება ან დაკარგვა.
მნიშვნელოვანია: თუ ნივთის შეკეთება განხორციელდება „რეგალიას“ სერვისცენტრის გარდა სხვა ადგილას, ნივთის გარანტია გაუქმდება.

საგარანტიო მომსახურების პროცესი

საგარანტიო შემთხვევის დადგომისას ნივთი შესაბამის დოკუმენტებთან ერთად უნდა წარმოადგინოთ „რეგალიას“ ნებისმიერ ფილიალში. ფილიალიდან ნივთი გადაიგზავნება სერვისცენტრში შესაკეთებლად.
შეკეთება ხორციელდება საგარანტიო ბარათში მითითებული პირობების შესაბამისად, 20 სამუშაო დღის განმავლობაში.